..أبدأ أول ما أبدا

للمرة الأولى أكتب تدوينتى فى صفحة الرد مباشره.. و للأمر فائدتين عظيمتين بالنسبة لى

.

.

الأولى : أن التنسيق -والعقده التى ربيت عندى منه- سيتحسن قليلاً بحيث أعدل قدر الامكان من ظهور نقطة نهاية الفقره بشكل مناسب .. وكذا النقطتين ولأبحث عن وسيله ما تخبرنى إن كان هذا البوست عبيط بحيث يطوح علامات الترقيم شمالاً ولا يضع النقط فى مكانها الا اذا تلاها حرف او رقم ,( واستهلالاً لموضوع علامات الترقيم فقد لاحظت فى مدونه بنت مصريه انها ُتتبع نقطه نهاية الفقره بحرف ال (ه) وكنت افكر ماحكمة وضع حرف الهاء , ثم عندما بدأت وضع اولى تدويناتى وثانيه وبالمناسبه كنت حذفت ثانيها بعد اقتراب فقع مرارتى من التنسيق الغريب - خمس مرات يابشر للتعديل وفى الاخر حذفتها عشان ارتاح - 00المهم أنى عرفت مشكله ظهور علامه الترقيم فى نهايه الجمله وبدأ فقره جديده فنبهتنى قريحتى الفكريه أن أضع رقم صفر(0) فى نهاية الجمله بدل النقطه العاديه ليظهر أنه نقطه .. المثير للعجب انى أساسا لا اجيد بشكل جيد استعمال علامات الترقيم فى كتاباتى -الأصح محاولاتى الكتابيه حتى لا يتهمنا الكتاب بالتخريب والاساءه للذوق العام - لكن تنسيق البوست ده سخيف خصوصا بقا لو غتت فى حكاية الاقواس وعلامات التنصيص اللى مره واحده تتحول للشمال وتسيب بدايه الجمله , حاجه تجيب التخلف العقلى وحاجه كمان بمناسبه ذكر مساوء البوست حكايه المؤشر اللى كل اما احطه فى نهايه الجمله عشان اكمل كتابه الاقيه راح يمين يعنى ياربى الحاجه اللى عاوزينها يمين تروح شمال والحاجه اللى عاوزينها شمال تروح يمين !! 0

.

.

السبب التان انى كرهت فكرة التدوين فعلاً .. الفكره بدأت بانى فكرت فى كتابه عده مقالات أو اى حاجه أدبيه أنقل فيها بعض من أرائى فى موضوع ما أو شئ فكرت فيه من ملاحظتى لشئ ما , وقلت هسمى المشروع ده (لسعات ) زى ماقلت فى أول تدوينه , المهم الفكرة اتخمرت فى دماغى وقلت أعمل اللسعات دى على شكل مدونه وانشرها فى المنتدى كعمل أدبى مستقل , بعدين وأنا بكتب المقدمه على أساس أوضح طبيعة اللسعات بتاعتى أنها تسير على وتيره الاغنيه بتاعة عمنا حكيم ( هى الحالة إيه ..إشتغلت ) -ولا يسألنى أحد عن بقيةالاغنيه لانى لم أسمعها كامله - المهم حائتنى فكره أن أنشر لسعاتى على شكل قصه مسلسله والقصه عباره عن مدونه لفتاه فى مثل سنى مثلاً وتكتب تدويناتها أو خواطرها , ثم فترت حماستى ولم اكتب سوى لسعه واحده اسميتها (مصير ناموسه ) وهو تنويعه على مسرحية مصير صرصار لتوفيق الحكيم ..المهم فى احد لحظات الصفا فتحت صفحة كيف تنشئ مدونه لبنت مصريه وظللت أتمعن فى الطريقه ثم قلت وليه لأ واحضرت الكشكول وكتبت النقاط الاساسيه ,, وقلت أما افتح واجرب ,,المهم وانا على النت لان اتصالى دايل أب عملت مدونه على بلوج سوم فمش عجبنى الموضوع كده فقلت بلاها مدونات طيب ما اروح على بلوجر اعمل زى بنت مصريه ماقالت , المهم بدات انشأ فى المدونه ومخلصتش الاعدادات وحسيت انى نفسى إتسدت خلاص ,قلت بلا وجع قلب ..,جيت تانى يوم الموضوع اتخمر فى دماغى أوى , قمت ذاكرت الطريقه اللى انا كتباها كويس وقلت ياأنا ياالبلوج ده .. المهم لقيت البنت رحيل موجوده على الماسنجر بصراحه انا مش عجبنى ولا تيمبل من المعروضين وان كنت افضل الاسود على اساس إن لون الخط فيه بيعمل له شكل كويس ,أخدت وصله موقع بيقدم قوالب كويسه .. وعجبنى الموضوع وقلت أعد المكان واظبط الخدمات فيه واعمل بلوج زى البلوجات بتاعة الناس كده .. وبعدين ؟؟ ولا قابلين أنا مش حابه الوضع ده , بشكل أوضح أنا لم أحدد هدفى من المكان ..وبالتالى لم احدد مع نفسى سبب إنشاءه , نافذه أخرى على عالم ما ؟؟ ربما .. نيولوك جديد ؟؟ربما برده ..ناس جديده ممكن يدخلوا عشان يقرأوا كلامك انت بالتحديد ؟؟ ليه لأ ..مكان تكتب فيه لما اتهدمت فيه صور ناس كنت بتحترمهم وصغروا اوى فحبيت تغير جو بحيث متفكرش كتير فى دوافعهم ؟؟جايز ..لكن المشكله انى مش معتاده الوضع انى اكتب ..لانى من فتره قررت انى قدر الامكان لا اتيح حياتى الشخصيه للغير , او لانى افضل القراءه عن الكلام أحيانا , أو لانى مش متعوده اتكلم مع وهم ومحدش يسمع ..الموضوع محتاج تعودأكيد ويمكن ده عنوان تدوينه ممكن احطها فى مشروعى المتوقف او لسعاتى ..ياترى فعلاً فى التدوينه دى كسرت حاجزعدم الارتياح للمكان, اعتقد الاجابه.. بعض الشئ ربما ..0

.

.